බොහෝ කාලෙකට පසුව තමයි මාළු ගැන පෝස්ට් එකක් කරන්නෙ. ඊමේල් මගින් අදහස් යෝජනා එවපු අයටත් ගොඩක් ස්තුතියි. හුඟ දෙනෙක්ගෙ ඉල්ලීම නිසා කාර්යය බහුලත්වය මධ්‍යයයේ වුණත් මේ පෝස්ට් එක කරන්නෙ...
පසුගිය පෝස්ට් වලින් මත්ස්‍යයින් තෝරා ගැනීම, ගැහැණු පිරිමි මසුන් හඳුනා ගැනීම ගැන කතා කළා මතක ඇති. ගැහැණු පිරිමි ලෙස වෙන් වෙන් වශයෙන් හඳුනා ගත් පසු අනිවාර්යයෙන් කළ යුතු කාර්යයන් කිහිපයක් ඇත. අද අපි කතා කරමු ගැහැණු පිරිමි ලෙස හඳුනා ගත්තායින් පසුව සිදු කළ යුතු දේවල් මොනවද කියලා.
ලිංගිකව පරිණත වී ඇති මසුන් ගැහැණු පිරිමි ලෙස වෙන්කර හඳුනා ගත් පසු, ඔවුන් වෙන වෙන ටැංකි වෙත යොමු කළ යුතුය. එම ටැංකි අඩි 3x3 හෝ ඊට වඩා ප්‍රමාණයෙන් විශාල පිහිනීමට ඉඩ කඩ ඇති ටැංකි වීම වඩාත් සුදුසු වේ. එසේම එම ටැංකි අතර අඩි 10ක හෝ 15ක පරතරයක් තබා ගැනීම ඉතා වැදගත්. එමෙන්ම එම ටැංකිවල ජලය ඉතාම පිරිසිදු තත්ත්වයෙන් තබා ගත යුතුය.
